सर्लाही, २०६६ माघ ९ -
पूर्व पश्चिम राजमार्गको सर्लाही खण्डमा पर्ने मिलन चोकमा शनिबार अपरान्ह मालबाहक ट्रकको ठक्करबाट एक बालिकाको मृत्यु भएको छ ।
उखु बोकेर सर्लाहीबाट पश्चिमतर्फ जाँदै गरेको ना४ख ४०८ नम्बरको ट्रकले बस चढ्न सड्क किनारमा बसेका महोत्तरीका ५ बषिर्य बालक प्रयास अधिकारीलाई ठक्कर दिएको थियो । उपचारार्थ हरिऔनस्थित नमुना अस्पताल पुर्याउँदा उनको मृत्यु भइसकेको प्रहरी निरीक्षक नरेश सुबेदीले बताए ।
मावलीबाट आमासंगै घर फर्कन बस कुर्ने क्रममा ट्रकले ठक्कर दिएको प्रहरीले जनाएको छ । ठक्कर दिने ट्रक र चालकलाई नियन्त्रणमा लिएको सुबेदीले बताए ।
--
Comments :
Post a Comment