सर्लाही, मंसिर ९ - पूर्व पश्चिम राजमार्गको सर्लाही खण्डम पर्ने नवलपुरमा बिहीबार बिहान बिपरीत दिसावाट आएका दुई मोटरसाइकल आपसमा ठोक्कींदा एक जनाको मृत्यु भएको छ । दुई जना गम्भीर घाइते छन् । बा.३८.प २८९६ नम्बरको मोटरसाइकल र बा.४१.प ८३ नम्बरको मोटरसाइकल बिहान साढे ४ बजे नवलपुर र लालबन्दीको बीचमा आपसमा ठोक्कीएर दुर्घटनाग्रस्त भएको थियो । दुर्घटनामा परि काठमाडौं घर भएका २४ वर्षीय मनिष सुनवारको मृत्यु भएको प्रहरी निरीक्षक नरेश सुबेदीले बताए । रामेछापका दशेनाथ शेर्पा र हरिऔन गाबिस-६ का अनुप रायमाझी गम्भीर घाइते भएको प्रहरीले जनाएको छ । घाइते दुबैलाई उपचारार्थ भरतपुर अस्पताल लगिएको छ ।
Comments :
Post a Comment